Utilaj Informoj

Dana - Esperata Vortareto

 

Elektro - La elektra tensio estas 220-volta. La kontaktiloj estas dupolusaj.

 

Interreto - En Kopenhago senpagaj retkonektoj uzeblas en pluraj lokoj: en multaj S-trajnoj, en preskaŭ ĉiuj hoteloj, en la kafejoj ’Baresso’. Kompreneble Kopenhago ankaŭ havas retkafejojn, kie oni pagas por la uzado.

 

Klimato - La someroj estas kutime modere varmaj -- la mezaj temperaturoj varias inter 18°C kaj 27°C. Ofte pluvas, sed la lasta parto de julio estas kutime varma kaj sunplena.

 

Laborhoroj - Vendejoj kutime laboras de la 10-a/11-a ĝis la 17:30-a/18-a de lundo ĝis vendredo (vendrede multaj grandaj butikoj deĵoras ĝis la 20-a vespere). Sabate kutime de la 10-a/11-a ĝis la 14-a.

Pluraj manĝaĵvendejoj kaj superbazaroj estas malfermitaj dum semajnfinoj.

 

Lando - Danio situas en Skandinavio, en la norda parto de Eŭropo. La ĉefurbo estas Kopenhago (ankaŭ la plej loĝata urbo). De Kopenhago oni povas rapide atingi la urbon Malmö en Svedio pere de ponto.

 

Lingvo(j) - La dana estas la sola oficiala lingvo. Multaj kapablas paroli angle, sed nur kelkaj (precipe maljunuloj) germane.

 

Loĝantaro - Danio havas ĉ. 5.550.000 loĝantojn, kaj el tiuj ĉ. unu miliono loĝas en la kopenhaga regiono.

 

Loka tempo - UTC +1 horo.

 

Medikamentoj - Se vi uzas iun preskribitan medikamenton, bonvolu kunporti
kuracistan recepton en la latina. Apotekoj funkcias dum la normalaj laborhoroj
(vd. Laborhoroj). Apoteko malfermita tage kaj nokte estas Steno Apotek,
Vesterbrogade 6C, 1620 Kopenhago V,  proksime al la ĉefstacidomo.

 

Memoraĵoj - La plej tipaj memoraĵoj el Kopenhago estas aĉeteblaj en specialaj
butikoj, precipe en la piediraj stratoj centre de la urbo.

 

Mono - La oficiala mono estas  la krono (dane "krone", mallonge kr. aŭ DKK),
dividita en 100 oerojn ("øre").
Moneroj: 50 øre, 1 kr., 2 kr., 5 kr., 10 kr., 20 kr.
Monbiletoj: 50 kr., 100 kr., 200 kr., 500 kr., 1000 kr.

Monŝanĝado eblas en flughavenoj, stacidomoj, bankoj kaj monŝanĝejoj. Multaj
hoteloj, restoracioj, vendejoj akceptas kreditkartojn (VISA, Eurocard, Master Card,
American Express).

 

Sanservoj - Eksterlandanoj bezonas konfirmilon pri sanasekuro. UEA ne
respondecas pri asekuro de kongresanoj.

 

Sekureco - Kopenhago estas ĉefurbo kaj kutime sekura, sed kiel aliaj ĉefurboj
eksistas zonoj/placoj malsekuraj vespere kaj nokte. Gardu vian monon,
poŝtelefonon kaj gravajn dokumentojn, ĉar somere poŝŝtelistoj estas en la urbo.

 

Telefonado - Prefikso por telefoni el eksterlando al Danio estas +45. Por telefoni
el Danio al eksterlando: 00 + landokodo + telefonnumero. Eblas telefoni de ĉiuj
telefonbudoj rekte al eksterlando. La telefonbudoj uzas telefonkartojn aĉeteblajn
en poŝtoficejoj kaj gazetaj kioskoj. Tamen ne ekzistas multaj telefonbudoj, ĉar
la plimulto da personoj havas poŝtelefonojn.

- Gravaj telefonnumeroj: Polico 114, fajrobrigado kaj urĝa medicina helpo 112.

 

Transportado - Ni rekomendas tutsemajnan bileton (7 tagoj) por 2 aŭ 3 zonoj,
depende de via loĝloko, aŭ pli bone aĉeti 10-fojan (unuhoran) stampobileton, ĉar
unuopaj biletoj estas tre kostaj en Kopenhago.
Biletoj aĉeteblas ĉe DSB (Danaj Ŝatfervejoj) billetsalg (biletvendejo) en la
flughaveno de Kastrup (malfermita ekde la 6.30 ĝis la 22-a) kaj en la ĉefstacidomo
de Kopenhago.
Ne forgesu aĉeti bileton antaŭ via ekveturo, ĉar la monpuno estas konsiderebla
(750 dkr.). Biletaŭtomatoj troviĝas ĉe la Metroo-enirejoj.
Legu pli pri la danaj transportbiletoj - ĉi-tie
Legu pli pri transporto de la flughaveno - ĉi-tie

 

Trinkakvo - Kranakvo estas bonkvalita, kaj estas trinkebla sen problemoj.

 

Vegetara manĝo -  Klaku ĉi-tie